ཀློང་ཆེན་རབ་འབྱམས། (ཀློང་ཆེན་རབ་འབྱམས།)

མ་ཕྱིའི་པར་རིས་གཟིགས།

ཀུན་མཁྱེན་ཀློང་ཆེན་རབ་འབྱམས་ (1308–1364) ནི་སྔ་འགྱུར་རྙིང་མའི་ཤིང་རྟའི་སྲོལ་འབྱེད་ཆེན་པོ་སྟེ། འཇམ་དཔལ་དབྱངས་ཀྱི་རྣམ་པར་སྤྲུལ་པའི་མཁས་གྲུབ་གཉིས་ལྡན་གྱི་བདག་ཉིད་ཆེན་པོའོ།།

དབུས་ཕྱོགས་སུ་སྐུ་འཁྲུངས་ཤིང་སྐུ་ཆུང་ངུའི་དུས་ནས་མཁྱེན་རབ་ཀྱི་རྩལ་རྫོགས། གྲུབ་པའི་དབང་ཕྱུག་ཀུ་མཱ་རཱ་ཛཱའི་དྲུང་ནས་རྫོགས་ཆེན་སྙིང་ཐིག་གི་གདམས་པ་ཡོངས་རྫོགས་གསན་ཏེ་ཚེ་གཅིག་ལུས་གཅིག་ལ་སངས་རྒྱས་པའི་གོ་འཕང་མངོན་དུ་མཛད།

མཛོད་ཆེན་བདུན་ དང་ ངལ་གསོ་སྐོར་གསུམ་ སོགས་གསུང་རབ་རྨད་དུ་བྱུང་བ་མང་པོ་བརྩམས་ནས་རྫོགས་པ་ཆེན་པོའི་ལྟ་སྒོམ་སྤྱོད་གསུམ་གྱི་གཞུང་ལམ་གསལ་བར་མཛད་པའི་སྔ་འགྱུར་བསྟན་པའི་ཤིང་རྟའོ།།