གུ་རུ་པདྨ་འབྱུང་གནས། (གུ་རུ་པདྨ་འབྱུང་གནས།)

མ་ཕྱིའི་པར་རིས་གཟིགས།

གུ་རུ་རིན་པོ་ཆེ་ནི་དུས་རབས་བརྒྱད་པའི་ནང་ཨོ་རྒྱན་དྷ་ན་ཀོ་ཤའི་མཚོ་གླིང་པདྨའི་སྙིང་པོ་ལས་རྫུས་ཏེ་འཁྲུངས་པའི་སློབ་དཔོན་ཆེན་པོ་སངས་རྒྱས་གཉིས་པ་ཞེས་གྲགས་པའོ།།

ཆོས་རྒྱལ་ཁྲི་སྲོང་ལྡེའུ་བཙན་དང་མཁན་ཆེན་ཞི་བ་འཚོས་གདན་དྲངས་པ་ལྟར་བོད་དུ་ཕེབས་ནས་ལྷ་འདྲེ་དྲེགས་པ་ཅན་རྣམས་དམ་ལ་བཏགས། བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས་ཤིང་ལོ་ཙཱ་བ་བཻ་རོ་ཙ་ན་སོགས་རྗེ་འབངས་ཉེར་ལྔ་ལ་ཟབ་གསང་ཆོས་ཀྱི་མཛོད་ཕྱེས།

མ་འོངས་གདུལ་བྱའི་དོན་དུ་ཡུམ་ཡེ་ཤེས་མཚོ་རྒྱལ་དང་ལྷན་དུ་ཟབ་མོ་གཏེར་གྱི་ཁ་བྱང་བཏབ་ཅིང་གངས་ཅན་ལྗོངས་ཀུན་ཏུ་གཏེར་ཁ་སྦས། རྫོགས་པ་ཆེན་པོའི་བསྟན་པའི་བཀའ་དྲིན་ཅན་གྱི་རྩ་བའི་བླ་མ་མཆོག་གོ།