རྨེ་བ་མཁན་པོ་ཐུབ་བསྟན་འོད་ཟེར། (སྨེ་བ་མཁན་པོ་ཐུབ་བསྟན།)

མ་ཕྱིའི་པར་རིས་གཟིགས།

རྨེ་བ་མཁན་པོ་ཐུབ་བསྟན་འོད་ཟེར་རིན་པོ་ཆེ་ནི་ 1928 ལོར་བོད་ཤར་ཕྱོགས་སུ་སྐུ་འཁྲུངས། དགུང་ལོ་བཅུ་བཞིའི་ཐོག་འཇའ་ལུས་བརྙེས་པའི་ཨ་ཁུའི་བཀའ་དྲིན་ལས་རབ་ཏུ་བྱུང་སྟེ་མཁན་པོ་ཐུབ་གཱ་དང་བོད་པ་སྤྲུལ་སྐུ་སོགས་བསྟེན།

དུས་ཀྱི་འགྱུར་ལྡོག་དཀའ་སྡུག་དུ་མའི་ཁྲོད་དུ་དམ་པའི་ཆོས་ཀྱི་བརྒྱུད་པ་མ་ཉམས་པར་ཐུགས་དམ་ཉམས་བཞེས་གནང་ནས་བཞུགས།

སྐྱབས་རྗེ་མཁན་པོ་བསོད་ནམས་རིན་པོ་ཆེའི་རྩ་བའི་བླ་མ་གཙོ་བོ་སྟེ། ཀློང་ཆེན་སྙིང་ཐིག་གི་དབང་ལུང་མན་ངག་མ་ལུས་པ་གནང་བའོ།།